الرضاعة الطبيعية هي أكيد أفضل للأم والطفل... ولكن؟

22 المشاهدات
3OYOON Tube
1
نشرت في 05 Aug 2018 / في الناس والمدونات

الرضاعة الطبيعية هي أكيد أفضل للأم والطفل... بس الأفضل منها هي الرضاعة بدون ضغط وملاحظات
اذا انت مخلفة جديد... او مرقت تجربة ولادة
اكيد بتكوني سمعت هاي الجمل كتير...
تعالو نتفق عاشي مهم ... الرضاعة هي أحسن هدية ممكن تقدميها كأم لنفسك ولابنك...
هي الطريقة الطبيعية والأفضل أكيد لتغذي ابنك ... وهذا حسب عشرات الأبحاث وحسب منظمة الصحة العالمية الي بتأكد انه الرضاعة ممكن تحمي ابنك من كتير امراض وتقوي مناعته وحتى تحميه من الموت السريري وغيرها

بعد ما عرفتي كل هاي المعلومات مهم تعرفي كمان انه الرضاعة هو أمر بخصك انت وطفلك ... وما بخص حدا تاني ...
هو اكيد مش تحدي ولا فرد عضلات ...
وبالأخر مش مفروض حدا يعطيكي علامة أو تقييم لكونك مرضعة منيحة او لا!
والاهم... اذا كنتي ام منيحة او لا!
بالفترة الأخيرة عم منشوف كتير حملات بتشجع على الرضاعة وهذا امر كثير إيجابي خاصة انه شركات الحليب البديل بتحاول بكل قواها تروج لمستحضراتها، يعني بالاخر احنا عم نحكي عن سوق دخله حوالي 70 مليارد دولار بالسنة!
رفع الوعي لأهمية الرضاعة الطبيعية امر كتير مهم... وفي كتير أمهات جدد الي بحاجة لدعم وتوجيه خاصة بالبداية ...
ولكن المشكلة انه هالحملات مرات ما بتراعي واقع الام ... مثلا وزارة الصحة بتنصح الأم ترضع لفترة 6 أشهر على الأقل... ووزارة العمل بتعطيها عطلة ولادة لمدة 3 أشهر وجمعتين.... طيب كيف بدها ترضع بالزبط؟
والمشكلة الثانية انه كثير مرات هالحملات بتشكل ضغط نفسي واجتماعي عكتير من الأمهات الي ما نجحوا انه يرضعوا اطفالهن بشكل كاف ممكن لاسباب صحية او حتى لاسباب نفسية...
بس بالاخر...الرضاعة اشي كتير خاص وحميم ومفروض تكون تجربة إيجابية تقربك من طفلك وتحسسك بامومتك اذا حسيتي غير هيك اطلبي مساعدة من مختصين... ولكن كمان حاولي تاخدي النصائح الي بتناسب انت وطفلك وبتراعي ظروفكم ...
يعني مثلا... وينتا راجعة عالشغل... وكيف ممكن تقدري تعودي ابنك على قنينة (من حليب الام) ولكن ليكون في حدا يساعدك تطعمي طفلك بوقت الضرورة اذا انت معنية!...

ولكل شخص بسمح لنفسه يتدخل بطريقة مزعجة بأي امر بخصك انت وطفلك ... ما تستحي تذكري... انه ما في بالدنيا حدا بحبه قد امه.. زي ما ما في بالدنيا حدا بحب طفلك قدكّ!


--------------
مضامين مكان | في التلفزيون، في الموقع وبالمجان!

البث المباشر في قنوات هيئة البث الاسرائيلي
قناة כאן 11
وقناة مكان 33

جميع البرامج والاخبار في بث مباشر على الموقع:
مكان - هيئة البث العامة ◄ http://www.makan.org.il

اشتركو وتابعوا صفحتنا هذه على اليوتيوب لمشاهدة جميع الفيديوهات ◄
https://www.youtube.com/channe....l/UC0_B_wGJuCn9YktQ0


• للاشتراك في قناة مكان | على اليوتيوب ◄ https://goo.gl/7GnSIh

• هناك ايضاً مكان | في الفيسبوك ◄ https://www.facebook.com/Makan.Digital

• الآن ومن مكان | على تويتر◄ https://twitter.com/News_Makan

أظهر المزيد
0 تعليقات sort ترتيب حسب

لتصلك جميع المقاطع و الافلام الجديدة تابعنا صفحتنا على الفيسبوك من خلال الضغط هنا

الرجاء الضغط على (ابلغ عن) اسفل الفيديو للتبليغ عن الفيديوهات التي لا تعمل او عن اي محتوى غير مناسب. شكرا لتعاونكم معنا